ብዙ ሴቶችን ማግባት በማትፈቅደው ታይላንድ አንድ ግለሰብ 120 ሚስቶችን አግብተው እየኖሩ ነው

ታይላንድ ብዙ ሴቶችን ማግባትን በትክለክልም አንድ ዜጋዋ ግን 120 ሚስቶች አግብተው እየኖሩ ነው።

ከሀገሪቱ ዋና ከተማ ባንኮክ 90 ኪሎ ሜትር ርቀት ላይ የምትገኘው የፍሮምኔ ወረዳ አስተዳዳሪ የሆኑት ታምቦን ፕራሴርት፥ ከሀገሪቱ ህግ ተፃራሪ የሆነ ድርጊትን በመተግበራቸው ስማቸው የመገናኛ ብዙሃንን ቀልብ ስቧል።

ሰውየው 120 ሚስቶች አላቸው መባሉን የሰሙ የሀገሪቱ መገናኛ ብዙሃን፥ እውነትነቱን ለማረጋገጥ መቅረፀ ድምጫቸውን ይዘው ወደ ወረዳ አስተዳዳሪው ቤት አቀኑ።

ታምቦን ፕራሴርት ለጋዜጠኞቹ የፈለጉትን ጥያቄ መለሱላቸው።

ታይላንድ ብዙ ሴት አግብቶ መኖርን ህገወጥ ድርጊት ብላ ብትመዘግበውም፥ ሰውየው ግን 120 ሚስቶች እንዳሏቸው ለጋዜጠኞች ሃቁን ተናገሩ።

ፕራሴርት ሚስቶቻቸው እርስ በእርሳቸው እንደሚተዋወቁና ሰላማዊ የህይወት ምዕራፉ መቀጠሉን ነው የገለፁት።

እስካሁንም ከ28 በላይ ወንድና ሴት ልጆችን ከተለያዩ ሚስቶቻቸው መውለዳቸውን ተናግረዋል።

የ58 ዓመቱ ፖለቲከኛና በግንባታው ኢንዱስትሪ ስኬታማ ቢዝነስ ያላቸው ፕራሴርት፥ ከመጀመሪያ ሚስታቸው ጋር የተጋቡት በ17 ዓመታቸው ነው።

የመጀመሪያ ሚስታቸውን በግምት አንድ ወይም ሁለት ዓመት ብቻ እንደሚበልጧቸው፣ ሶስት ልጆች እንደወለዱ፣ ከዚያ በኋላ ያገቧቸው ሴቶችም አብዛኞቹ እደሜያቸው ከ20 ዓመት በታች እና በ20ዎቹ ውስጥ የሚገኙ መሆኑን ለጋዜጠኞች ተናግረዋል።

“በእድሜ ገፋ ያሉት ሴቶች ብዙ ክርክርና ውዝግብ ስለሚፈጥሩ እነሱን ለጋብቻ አልመርጣቸውም” የሚለውንም አልካዱም።

ፕራሴርት በግንባታው ኢንዱስትሪ እንደመሰማራታቸው በሀገሪቱ የተለያዩ አካባቢዎች ህንፃዎችን ለመስራት ሲያቀኑ ሚስት አግብተው ይመለሳሉ።
“ሁሉንም ሚስቶቼን እወዳቸዋለሁ” ይላሉ።

የሚገርመው ደግሞ አንድን ሴት ሲያገቡ ከዚህ በፊት ያገቧቸው ሌሎች ብዙ ሴቶች መኖራቸውን በግልፅ የሚናገሩ ሲሆን፥ ለነባር ሚስቶቻቸውም ሌላ ሴት ሊያገቡ ማቀዳቸውን አብራርተው ነው ጋብቻ የሚፈፅሙት።

ከሚስቶቻቸው መካከል 22 ያህሉ በፍሮምኔ ወረዳ በሚገኘው ቤታቸው አቅራቢያ የሚኖሩ ሲሆን፥ ቀሪዎቹ ደግሞ በተለያዩ የሀገሪቱ አካባቢዎች የሚኖሩ ናቸው ተብሏል።

ታይላንዳዊው ባለብዙ ሚስት “አንድ ሴት ለማግባት ሳቅድ ለሚስቶቼ እነግራቸዋለሁ፤ ሁሉም ደስ ብሏቸው ሀሳቤን ይቀበሉታል” ነው ያሉት።

“ሚስቶቼን በጣም አከብራቸዋለሁ፥ ሳገባቸውም እንደየባህላቸው ቤተሰቦቻቸውን በሽማግሌ አስጠይቄ ነው” ያሉት ፕራሴርት፥ ሁሉንም ሚስቶቻቸውን በደማቅ የሰርግ ስነስርዓት ማግባታቸውን ተናግረዋል።

ለ120 ሚስቶቻቸውና ለ28 ልጆቻቸው ቤት ገንብተው እያኑሯቸው ሲሆን፥ ደስተኛ ህይወት እንዲያሳልፉም እያደረጉ መሆኑን ገልፀዋል።

በቅርቡ ያገቧት አዲሷ ሚስታቸው ናም ፎን እድሜዋ 27 ዓመት ሲሆን፥ ጋዜጠኞች ፕራሴርትን ስለሚስቶቻቸው ብዛትና ስለህይወታቸው ሲጠይቋቸው አብራ ብትገኝም ምንም ዓይነት መደናገጥ እንዳልታየባት ነው የተነገረው።

ይህም ሰውየው ሚስቶቻቸውን ሲያገቡ ስላላቸው የቀደመ ህይወት በግልፅ አወያይተው መሆኑን ያረጋግጣል ተብሏል።

ሆኖም በታይላንድ ብዙ ሚስትን በሚከለክለው ህግ መሰረት፥ ድርጊታቸው ህጋዊ ቅጣት ያስከትልባቸዋል ወይ የሚለው ጥያቄ ምላሽ ያላገኘ ጉዳይ ነው።

 

ምንጭ፦ኦዲቲ ሴንትራል

Share this post

Submit to FacebookSubmit to Google PlusSubmit to StumbleuponSubmit to TechnoratiSubmit to TwitterSubmit to LinkedIn
Rate this item
(0 votes)

41712 comments

Leave a comment

Make sure you enter all the required information, indicated by an asterisk (*). HTML code is not allowed.

Information for All

Go to top