ዋይኒ ሩኒ ለ2 ዓመት እንዳያሽከረክርና የ100 ሰዓት ነጻ የማህበራዊ አገልግሎት ቅጣት ተላለፈበት

የእንግሊዝ ብሄራዊ ቡድንና የማንቼስተር ዩናይትድ የምንጊዜም ከፍተኛ ጎል አግቢው ዋይኒ ሩኒ ጠጥቶ በማሽከርከሩ ምክንያት ቅጣት ተላለፈበት።

በአሁኑ ጊዜ ለኤቨርተን የሚጫወተው የቀድሞ የእንግሊዝ ብሄራዊ ቡድን አንበሉ ዋይኒ ሩኒ ጠጥቶ አሽከርክሯል በሚል ነው ፍርድ ቤት የቀረበው።

ሩኒ ባሳለፍነው ነሃሴ 26 2009 ዓ.ም ነበር ጠጥቶ በማሽከርከር ላይ እያለ በፖሊስ የተያዘው።

በዚህ ተግባሩ ፍርድ ቤት የቀረበው የ31 ዓመቱ አጥቂ ዋይኒ ሮኒ ለ2 ዓመታት ምንም አይነት ተሽከርካሪ እንዳያሽከረክር እግድ ተጥሎበታል።

ከዚህ በተጨማሪም ያለምንም ክፍያ ነጻ የማህበረሰብ አቀፍ አገልግሎት ስራዎችን እንዲሰራ እና የ170 ዩሮ የገንዘብ ቅጣትም ተፈርዶበታል።

ለፍርድ ቤት ቀርቦ የተነበበው ክስ ላይ ሩኒ አልኮል ጠጥቶ ለማሽከርከር ከተቀመጠው መጠን ሶስት እጥፍ ያክል ያለፈ አልኮል ወስዷል ነው የተባለው።

በትንፋሽ መመርመሪያ ማሽን በተገረደበት ምርመራም በ100 ሚሊ ሊትር ውስጥ 104 ማይክሮግራም የአልኮል መጠን ተገኝቶበታል።

በእንግሊዝ ህግ መሰረት ጠጥቶ ማሽከርከር የሚቻለው የአልኮል መጠን በ100 ሚሊ ሊትር ውስጥ 35 ማይክሮ ግራም ብቻ ነው።

የሩኒ የህግ አማካሪና ጠበቆች ተጫዋቹ የተለያዩ የእርዳታ ስራዎች ላይ ስለሚሳተፍ የማህበረሰብ አገልግሎት ቅጣቱ ይቀነስለት በሚል ይግባኝ አስገብተው የነበረ ቢሆንም፥ ዳኛውን ምክንያቱ አላሳመነኝም በሚል ውድቅ አድርገውታል።

የኤቨርተን ተጫዋቹ ሩኒ ከፍርድ ቤት ውሎው በኋላ በሰጠው መግለጫ፥ “የሰራሁት ስራ ሙሉ በሙሉ ጥፋት ነው፤ ለጥፋቴም በይፋ ይቅርታ እጠይቃለሁ” ብሏል።

“ከዚህ ቀደም ቤተሰቦቼን፣ ማናጀሬን፣ የክለቤን ሃላፊ እና በኤቨርተን የእግር ኳስ ክለብ ውስጥ የሚገኙትን በሙሉ ይቅርታ ጠይቄያለሁ” ያለው ሩኒ፥ መላውን የኤቨርተን ደጋፊዎች እና በእግር ኳስ ህይወቱ ከጎኑ ለነበሩት ወዳጆቹ እና የእግር ኳስ አፍቃሪያን በይፋ ይቅርታ ጠይቋል።

“ፍርድ ቤቱ ያስተላለፈብኝን ውሳኔም ሙሉ በሙሉ እቀበላለሁ፤ የተጣለብኝ የማህበረሰብ አገልግሎት ስራ በአግባቡ በመስራትም እንዲቀነስልኝ አደርጋለሁ” ብሏል።

 
ምንጭ፦ ቢቢሲ

Share this post

Submit to FacebookSubmit to Google PlusSubmit to StumbleuponSubmit to TechnoratiSubmit to TwitterSubmit to LinkedIn
Rate this item
(1 Vote)

52695 comments

Leave a comment

Make sure you enter all the required information, indicated by an asterisk (*). HTML code is not allowed.

Information for All

Go to top